ТЕРРЕЙН

Террейн — ёт (экзотик) блоклар кўринишидаги аккрецион (массаси ортаётган) континентал чеккаларнинг тузилиш элементи. Уни тузувчи тоғ жинслари ҳозирги жойидан жуда узоқ масофада, бутунлай бошқа палеогеографик ва палеоиқлимли шароитларда ҳосил бўлган. T.lar атрофдаги жинслардан таркибининг кескин фарқ қилиши ва ҳамма жойда ҳам улар билан тектоник контактда бўлиши билан ажралиб туради. Бошқа географик ўлкага тааллуқли фауна ва флораларнинг ҳозирда континент чеккаси билан туташиб кетган жинсларда учраши ҳам унинг муҳим белгиларидан бири ҳисобланади. Палеомагнит ўлчов натижалари ҳам Т. жинсларини ҳозирда жойлашган жойларидан жуда узоқ масофада ҳосил бўлганлигидан дарак беради.