tergov
терговtergov
ot 1. Tergamoq feʼlidan harakat nomi.
2. huq. Jinoyat yuz bergan sharoit, uning sabablari va qatnashchilarini tekshirish, soʻroq qilish ishi; jinoiy ish boʻyicha dalillar yigʻish.
Dastlabki tergov. Tergov organlari. Tergov natijasi. Tergov oʻtkazmoq.
Sherbek rayonga joʻnadi. Uni yana tergovga chaqirishgan edi. — S. Anorboyev, Oqsoy
Rayon tergov idoralarining vakillari tomonidan jinoyat sodir boʻlgan joyda tekshirish oʻtkazilib, tegishli aktlar tuzilgandan keyin, jasadni aravaga solib, qishloqqa olib keldilar. — P. Tursun, Oʻqituvchi
- Tergov qilmoq 1. Biror ish, holat va shu kabilar yuzasidan soʻroqqa tutmoq, soʻroq qilmoq. Dadasi uni [Nizomjonni] uyga boshlab kirdi-yu, oʻtqazib, tergov qila boshladi. — S. Ahmad, UfqAybdorni tergov qilmoq.U [mingboshi] avvalo Gʻulomjonni yeng ichida tergov qilib, yeng ichida jazo berish-u, shu bilan undan oʻch olish niyatida edi. — M. Ismoiliy, Fargʻona tong otguncha