Теория литературы

adabiyot nazariyasi. Adabiyotshunoslik fani (q. Literaturovedeniye)ning tarkibiy bir qismi boʻlib, adabiyotning oʻziga xos xususiyatlarini inson maʼnaviy faoliyatining maxsus shakli sifatida tahlil etadi, adabiyotning taraqqiyot qonunlarini, tur va janrlarini, kishilik jamiyati rivojidagi oʻrni va rolini, badiiy asarlarni tadqiq etish metodlari va prinsiplarini, asarlar tuzilishining tarkibiy xususiyatlarini, badiiy asar tili va boshqa tasviriy ifoda vositalarini oʻrganadi. Adabiyot barqaror va doim takrorlanib turuvchi xususiyatlarga ega boʻlgani uchun adabiyot nazariyasi adabiyot taraqqiyotini boshqarib boruvchi ana shu umumiy qonunlar asosida badiiy asarlarni tahlil etish prinsiplari va metodikasini, uslub va oqimlarni, adabiy jarayonni belgilab beradi.