телеконференция

1. Техник воситалар ёрдамида, ҳудудий тарқоқ иштирокчилар орасида гуруҳий коммуникацияни амалга ошириш тури. Мисоллар: телефонли конференсия, аудиоконференсия, чат, электрон эълонлар тахтаси, почта конференсияси, видеоконференсия ва ш.ў.инглизчаteleconferenceрусчателеконференция

2. Узоқдаги фойдаланувчилар гуруҳлари орасида мунозара ўтказиш усули. Телеконференсия фойдаланувчиларнинг ўзаро ишлашини таъминловчи техник-дастурий муҳит асосида амалга оширилади. Телеконференсия ўтказиш учун, уларнинг ҳар бири тармоққа уланган шахсий компютердан фойдаланиш имкониятига эга бўлиши керак. Телеконференсиялар икки турга бўлинади. Ҳақиқий вақтдаги телеконференсияда унинг барча иштирокчилари бир вақтнинг ўзида шахсий компютерлари олдида ўтириб, ҳамкорларга матн ва тасвирларни кўрсатиш ҳамда товушли мулоқот олиб бориш, файлларни ва хабарларни жўнатишни бошқариш имкониятига эга бўладилар. Телеконференсияларнинг иккинчи тури ҳужжатларни кўриб чиқиш режимида амалга оширилади. Бунда, муҳокама бўлаётган ахборотни ўз ичига олган файлни яратаётган, маълумотлар базаларидан бири ишлатилади.