telefon
телефонtelefon
ot 1. Uzoqdan turib soʻzlashishga, ovoz, nutqni masofaga uzatishga xizmat qiladigan elektr aloqa qurilmasi va uning signal qoʻngʻirogʻi hamda gaplashish trubkasi boʻlgan apparati.
Telefonda (telefon orqali) gaplashmoq. Telefon bilan xabar qilmoq. Telefon stansiyasi.
Telefon jiringladi. Sulaymonov trubkani oldi. — A. Qahhor, Ikki yorti — bir butun
Kitob mutolaa qilib oʻtirgan Normurod bir sapchib tushdi-yu, qoʻrqa-pisa telefonga qoʻl choʻzdi. — O. Yoqubov, Diyonat
2. Telefon aloqaning qisqa nomi.
Baʼzi gazeta xodimlari materiallarni telefon orqali oladilar. — Mushtum
- Telefon qilmoq (yoki qoqmoq) Telefonda, telefon orqali gaplashmoq. [Xumorxon:] Ha, aytganday, kimdir telefon qilib, sizni soʻragan edi. — A. Qahhor, Ogʻriq tishlarMurodova Karimovga, Qosimov esa boshqarmaga telefon qoqa boshladilar. — I. Rahim, Ixlos