ТЕКУЩИЕ ПОТЕНЦИАЛЬНЫЕ РЕСУРСЫ НЕФТИ И ГАЗА

hozir maʼlum boʻlgan neft (razvedka qilingan, ishlayotgan va b.), shuningdek, kelajakda ochilishi va ishlatilishi moʻljallangan neft va gaz manbalarining umumiy miqdorini aniqlash. Neft va gaz olinayotgan rayonlarda boshlangʻich va joriy potensial resurslar ajratiladi. Potensial resurslarning miqdori oʻzgaruvchandir. Uglevodorod uyumlari toʻgʻrisidagi maʼlumotlarning koʻpayishi, maydonning geologik sharoitlari toʻgʻrisidagi fikrlarning oʻzgarishi bilan uning miqdori qaytadan hisoblab chiqiladi. Potensial resurslar bio-biridan keskin farqlanuvchi ikki yirik zaxiralar guruhini oʻz ichiga oladi. Birinchisiga razvedka qilingan va koʻp qismi ishlanayotgan zaxiralar taalluqli boʻlsa, ikkinchisiga faqat u yoki bu maydonning geologik-geofizik va geologik tuzilishi va neft-gazliligi toʻgʻrisidagi maʼlumotlar asosida taxmin va bashorat qilinayotgan zaxiralar mansub., Neft va gazning joriy potensial resurslari