ТЕКТОНИЧЕСКАЯ ВОДА

нефт-газли горизонтга тектоник бузилишлар орқали бошқа горизонтлардан сирқиб ўтадиган босимли сув. T.s.lar айрим ҳолларда катта чуқурликлардан келиб чиқади. Бундай сувлар уюмларни ишлаш бошланмасдан олдин нефтни тектоник бузилишлар орқали юқорига суриши мумкин. Уюмни ишлаш ва ишлатиш чоғида эса фойдаланиш қудуқларида юзага келтириладиган депрессия таъсирида улар нефт уюмини сувга бостириши мумкин. Нефт конлари сувларини таснифлашда, айрим тадқиқотчилар, T.s.larni ўзга (бегона) сувлар гуруҳига киритадилар, яъни бундай сувлар бошқа қатламларга инсонни инженерлик фаолияти таъсирида кириб қолади деб ҳисоблайдилар. Аммо бундай фикр ҳақиқатга тўғри келмайди. T.s.lar одатда, нефт конлари чегарасидаги тектоник бузилишлар зонасида учрайди ва бундай зоналарда ковланган бург қудуқларида намоён бўлади. Кўпинча T.s.lar бир неча горизонтлардан сирқиб чиқиб, бир-бирига қўшилганлиги сабабли аралашма сув кўринишида бўлади., Тектоник сув