taʼtil

таътил

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

taʼtil I

ot 1. esk. Oʻquv dargohlarida, umuman, dars-mashgʻulot boʻlmaydigan kunlar; dam olish kunlari.

Maxdum, bu kun sizga taʼtil [dedi mavlono Fasihiddin Sultonmurodga]. — Oybek, Navoiy

chorshanba, payshanba va juma kunlari taʼtil (dam olish kunlari) boʻlar edi. — M. Muhammadjonov, Turmush urinishlari

2. Maktab va boshqalar oʻquv yurtlarida dars-mashgʻulotlar toʻxtatilib, oʻquvchilarga dam beriladigan (oʻquvchilar dam olishga chiqadigan) vaqt, tanaffus.

Nihoyat, maktablarda taʼtil kunlari boshlandi. — L. Tojiyeva, Mehrim sizga, odamlar

Ahmad taʼtil paytida Fargʻona vodiysiga praktikaga bordi-yu, u yerdagi odamlarga qoyil qoldi. — F. Musajonov, Himmat

3. Dam olish, davolanish va shu kabilar uchun ishdan ozod qilib beriladigan maʼlum kunlar, ishdan ozod qilinadigan muddat.

Boshqalarga dam olish kun, Taʼtil oyi berilar. Shoir yangi tashbih uchun Oʻlgan boʻlsa tirilar. — E. Vohidov

Moʻminov har yili taʼtil paytida dam olmas edi. — M. Mahmudov, Mangu kuy izlab

Taʼtil qilmoq Nonushta qilmoq, umuman ovqatlanmoq. Ul alplar qanday alp: yoyandoz, mergan, har qaysisi har kuniga toʻqson shirvozning etini taʼtil qilgan zoʻr polvondir. — Alpomish

taʼtil II

ot shv. folk. Ovqat, yegulik; nonushta; ovqatlanish.

Maqoladagi xato haqida xabar berish