тасодиф

от 1. Фавқулодда, кутилмаган ҳол, воқеа, ҳодиса.

Бахтли тасодиф. Кўнгилсиз тасодиф. Ҳар қандай тасодифга тайёр турмоқ.

Тасодифдан хурсандман беҳад, Дучор қилди бахтга бир сафар. — Шукрулло, Жавоҳирлар сандиғи

Тасодифни қарангки, Муҳиддин Солияхонга дуч келиб қолди. — Р. Файзий, Чўлга баҳор келди

Ҳикоя алоҳида шахсларнинг яхшилиги ё ёмонлиги ҳақида, ё бўлмаса, турмушдаги бирор тасодиф устида ёзилмайди. — А. Қаҳҳор, Сароб

2. флс. Нарса ва ҳодисаларнинг ички табиати билан боғлиқ бўлмаган, ундан таш-қарида, юзаки ва иккинчи даражали, юз бериши ҳам, юз бермаслиги ҳам мумкин бўлган воқеа-ҳодисани ифодаловчи фалсафий тушунча.

Зарурият ва тасодиф.