tashviqot

ot 1. Ommaga siyosiy yoki boshqa jihatdan taʼsir koʻrsatish maqsadida yozma va ogʻzaki ravishda qilinadigan ishlar, tadbirlar.

Tashviqot yurgizmoq.

Hay, xotin kishi ekansiz, erkak kishi boʻlganingizda, bu teskari tashviqotingiz uchun sogʻ qoʻymas edim. — P. Tursun, Oʻqituvchi

Maʼlumki, urush vaqtida tashviqot ishlari gʻalabani taʼminlashda muhim omillardan sanaladi. — Fan va turmush

2. s. t. Undov, daʼvat.

Sut bilan kirgan, jon bilan chiqar deganlaridek, Oʻzbek oyimning oʻsha vaqtlardagi tashviqotlari ham, uning [Zaynabning] tarafidan faqat kelinlik majburiyati ostida qabul qilindi. — A. Qodiriy, Oʻtgan kunlar

Shu kecha-yu kunduzda tashviqot sizga juda ham zarur. Quloq soling, foydasi tegadi! — Uygʻun, Navbahor