тантанали

сфт. 1. Тантанага эга, тантана руҳидаги, тантана билан бўладиган.

Ўшдаги қароргоҳда бу оқшом сизларнинг шарафингизга тантанали зиёфат берилур. — П. Қодиров, Юлдузли тунлар

Трестдагилар илғор бинокорлар қатори Ёдгорни ҳам тантанали кечага таклиф қилишди. Ў. — Ҳошимов, Қалбингга қулоқ сол

2. Тантана ифодаловчи.

Гўё улуғ бир ҳодиса содир бўлиши кутилаётгандек, ер-у кўк тантанали қиёфа олди. — С. Анорбоев, Оқсой

— Аҳа, демак, ҳали топганингиз ёʻқ, — деди Исмоил тантанали бир оҳангда — Ойбек, Нур қидириб

3. Асъаса-дабдабали, кўтаринки руҳ билан.

Никоҳ тўйи фавқулодда суронли ва тантанали бўлди. — Ойбек, Танланган асарлар

Саидғози бу сўзларни оғзини тўлдириб, алоҳида расмий тусда гапиргани учун тантанали жарангларди. — С. Анорбоев, Оқсой