таниқли

сфт. 1. Таниб олиш учун қандайдир белгиси ёки белгилари бўлган; таниш.

Таниқли кўча.

Тамға каби таниқли, Ҳар ерда бир из Узоқларда жилади Уч-тўрт хотин-қиз — Ҳ. Олимжон

2. Кўпчиликка маълум, кўпчилик танийдиган; атоқли, машҳур.

Таниқли шоир.

Кўпчилик олдида айтишиб ўтириш иккингизга ҳам ярашмайди, — иккингиз ҳам эл-юртда таниқли одамларсиз. — И. Раҳим, Ихлос

Миркарим ака Эски шаҳарга таниқли одам. — Ю. Шомансур, Қора марварид