танаффус

от 1. Дарс, иш, машғулот ва шу кабилар орасида бериладиган қисқа дам.

Ўқувчилар танаффусга чиқди. Танаффус эълон қилмоқ.

Бу сукут боксёрларнинг шиддатли раундлари ўртасида нафас ростлашга бериладиган танаффусга ўхшарди. — Ф. Мусажонов, Ҳиммат

Эрталаб қуёш билан баравар туриш, қош қорайгунча иш. Бир маҳал овқатга танаффус. — И. Раҳим, Чин муҳаббат

2. кўчма Иш-ҳаракат, воқеа-ҳодисалар ўртасидаги узилиш, тўхташ бўлган вақт.

У ашулаларни танаффус қилмай айтарди. — Ёшлик

Бир оз танаффусдан сўнг программада хоккей ўйини кўрсатила бошланди. — Ў. Усмонов, Сирли соҳил