тана
tanaтаъна
от 1. Хатолик, айб ёки камчиликни бетга солиб ёки камситиб айтилган гап, қилинган хатти-ҳаракат ва шу кабилар
Аччиқ таъна.
Гуноҳкор бўлмай туриб, ўз севгилингдан ўринсиз таъналар эшицанг. — Ж. Жабборов, Севинч ёшлари
Кекса боғбоннинг самимий сўзлари ҳам таъна, ҳам танбеҳ эди. — Ш. Рашидов, Бўрондан кучли
Бобо, бу гапга қандай тилинг борди, дегандай унга таъна билан қаради-да, бош чайқади. — С. Юнусов, Кутилмаган хазина
2. Миннат, ҳақорат, маломат тарзидаги гап-сўз.
— Ёʻқчилик жонимга тегди, — деди болали хотин, — бойваччаларнинг хотинларига кир юва-юва ўлиб бўлдим. Итдек меҳнат қилиб, бир бурда нонларини таъна билан едим. — С. Зуннунова, Гулхан
Агар кучим, қувватим еца, одамларнинг жон олғучи таъналарига яна чидаш берар эдим, лекин мажолим қолмади. — М. Исмоилий, Фарғона тонг отгунча.
- Таъна қилмоқ Таъна тарзидаги гап-сўз айтмоқ. Хасис деб таъна қилмоқ.Ёʻлдошева рабфакда ўқиб юрганида, маҳаллада паранжи ёпиниб юрган бўлиши мумкин, буни ҳозир таъна қилишда ҳеч қандай маъно ёʻқ. — А. Қаҳҳор, БекҲамкасблари Мансабдор бўлиб, менсимай кетди, деб таъна қилишларидан ўзини эҳтиёт тутарди. — Р. Файзий, Ҳазрати инсон
тана И
от 1. айн. Тан 1 — 4.
Эрта кўклам бўлгани учун, баҳор қуёши таналарга ёғдай ёқади. — Э. Раимов, Ажаб қишлоқ
Бир қилич зарби билан бошини танасидан жудо қилди. — П. Қодиров, Юлдузли тунлар
Шундан кейин бир оз танаси яйраб, таранг тортилган асаблари бўшашиб, Хайрият! деб қўйди. — К. Яшин, Ҳамза
Чопиб бордим қошига, Сулайиб ётар танаси, Олти газ нари жойда Вафодорим калласи. — Ойсулув
2. Жониворларнинг жисми, жуссаси.
Илоннинг қандай сув ичишини камдан-кам кўриш мумкин. У танасини гоҳ шишириб, гоҳ пучайтириб, оғир нафас оларди. — Фан ва турмуш
3. Дарахтнинг, ўсимликнинг таг, поя қисми.
Ҳовузнинг тўрт томонида ёʻғон-ёʻғон қайрағочлар, таналари қулочга сиғмайди. — Ж. Шарипов, Хоразм
4. тех. Турли асбоб, машина ва шу кабиларнинг бўлакларини тутиб турувчи қисми.
Краннинг танаси.
- Танангга ўйлаб кўр (ёки қара) Яхшилаб ўйлаб, муҳокама, мулоҳаза қилиб кўр. Жаҳлимдан тушганимдан кейин шундай танамга ўйлаб қарасам, бечора ўртоғимдан унчалик қаттиқ гина қилишнинг ҳожати ёʻқ экан. — А. Қаҳҳор, Хотинлар
тана ИИ
от Бир-икки ёшли урғочи бузоқ.
Ҳа, ўша йили дадам билан колхоз таналарини боқдик. — С. Анорбоев, Ёʻлда ёʻлдош бўлганлар
Кетаётир навкарлар Сўна қувган танадай. — Ойсулув