tahsil

таҳсил

7 ta lugʻatda uchraydi JSON Shevalarda Barcha qidiruv natijalari

Izohli lugʻat

tahsil

ot 1. Oʻqish, bilim olish.

[Abdishukur] Tahsilini chala qoldirib, madrasadan chiqdi. Tahsil uchun Istambul yoki Misrga joʻnash orzusi mablagʻ yoʻqligidan amalga oshmadi. — Oybek, Tanlangan asarlar

Ammo madrasalarda dunyoviy ilmlardan tahsil bermasak, xarob boʻlgʻaymiz. — S. Siyoyev, Avaz

2. Oʻqish mavsumi, dars-mashgʻulotlar davri.

Tahsil boshlanishi bilan har bir toʻda mullavachchalar patnis yasab domlalarning oldiga olib kirar edilar. — M. Muhammadjonov, Turmush urinishlari

3. Bilim, maʼlumot.

Siz ibtidoiy va oʻrta tahsilni tamom qilgansiz. — A. Qahhor, Sarob

Shuncha tahsil va tarbiya berganlaringiz uchun rahmat. — M. Ismoiliy, Fargʻona tong otguncha

Lekin Madrasa tahsili ularni qoniqtirmasdi. Shuning uchun ular “Taraqqiyot”, Xurshid hamda Vaqt singari gazeta va jurnallarni yarim tunda mutolaa qilishga kirishar edilar. — K. Yashin, Hamza

Tahsil qilmoq (yoki etmoq) Mutolaa qilmoq, mustaqil ravishda oʻqimoq, oʻrganmoq; bilim olmoq. Iskandaro bir necha yil maktabda qurʼon tahsil qilib, oʻqish-yozishni oʻrgangandan soʻng, uyda qolgan. — Oybek, Nur qidirib
Tahsil olmoq (yoki koʻrmoq, topmoq) Maʼlum oʻquv yurtida yoki biror mutaxassis rahbarligida oʻqimoq, bilim, maʼlumot olmoq. Husaynbek afandi asli xorazmlik boylardan boʻlib, Turkiyada tahsil olgan edi. — J. Sharipov, XorazmGʻiyosiddin Buxoroning Devonbegi madrasasida tahsil koʻrib yurgan paytlarida otasi uni oq qilgadi. — S. Ahmad, HukmHakimxon Vodiliy avval Buxoro, keyin Samarqandda tahsil topgan mullo odam ekan. — Mirmuhsin, Meʼmor