табақа

от 1. Эшик, дераза ва шу кабиларнинг очилиб-ёпиладиган ҳар бир бўлаги.

Якка табақа дераза. Қўш табақа эшик.

[Ҳасанали] Занжирни тушириб, дарвозанинг бир табақасини очиш ҳамоно, шу табақага суяниб турган Отабек Ҳасаналининг оёғига йиқилиб тушди. — А. Қодирий, Ўтган кунлар

2. Халқ ичидаги муайян ижтимоий қатлам, гуруҳ, синф.

Савдогарлар табақаси.

Шаҳар халқининг ҳар бир табақаси деярли Мусулмонқул даккисини еб келган. — А. Қодирий, Ўтган кунлар

Тахта атрофида ўтирганлар орасида аҳоли турли табақаларининг вакиллари бор эди. — Газетадан