taajjub

таажжуб

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

taajjub

ot 1. Kishini hayratda qoldiradigan, ajablantiradigan, gʻalati.

Taajjub narsa. Taajjub ish.

Bu taajjub hol odamlarda gumon tugʻdirmay qolmadi. — M. Ismoiliy, Fargʻona tong otguncha

Redaksiyaga aql bovar qilmaydigan taajjub bir xat keldi. — Mushtum

2. ot Ajablanish, hayronlik.

Qoʻldosh yuzida taajjub alomati paydo boʻldi. — H. Shams, Dushman

Xotinning taajjubi oshdi. — S. Ayniy, Qullar

-Yusufjonov?! — dedi qorovul ham taajjub, ham xursandlik bilan. — N. Fozilov, Hayot oʻrgatdi

[Safar] Taajjub va hayrat ichida kelib, mehmonxonaga kirdi. — A. Qodiriy, Mehrobdan chayon

3. Kishining ajablanish holatini, hayronligini bildiradi; ajab, qiziq.

Taajjub, uning maktubi yuragimda na sevinch uygʻotdi, na bir achinish! — O. Yoqubov, Tilla uzuq

Lekin taajjub: odamlarning iliq muomalasi, ayniqsa, Sherbekning mehribonligi negadir uning koʻnglini buzdi. — S. Anorboyev, Oqsoy

Taajjub qilmoq Taajjublanmoq.
Taajjubga solmoq Ajablantirmoq. Meni taajjubga solgan narsa shuki, nima uchundir hech kim qachon va qanday mukofot olganimni soʻramasdi. — Shukrullo, Javohirlar sandigʻi
Taajjubga tushmoq Ajablanish holatida boʻlmoq; ajablanmoq. Meʼmor oʻzini usta Abdugʻafur negadir yuqori qavatga chaqirtirganidan taajjubga tushdi. — Mirmuhsin, Meʼmor