suyulmoq
суюлмоқsuyulmoq I
fl. 1. Maʼlum darajadan suyuqroq boʻlmoq.
Loyga suvni koʻp quyavermang, suyulib ketadi.
2. fiz. Siqilib yoki erib, suyuq holga kelmoq (gaz yoki qattiq jismlar haqida).
- Miyasi suyulmoq Aqli pasaymoq, miyasi aynimoq. Maxdum ulamo, amaldor va gʻayrilardan shuning kabi siporishlarni qabul qila-qila, juda miyasi suyulgan edi. — A. Qodiriy, Mehrobdan chayon
- Qarib quyulmagan, achib suyulmagan Yoshi ancha ulgʻaygan boʻlsa-da, bemaʼni ishlarini, odatlarini, qiliqlarini tashlamagan odam haqida. — Hali ham oʻsha shilqimliging qolmabdi. Qarib quyulmabsan, achib suyulmabsan, — dedi mulla Mamasolih Hudhud soʻfiga. — N. Maqsudiy, Laylatulqadr
suyulmoq II
fl. Siylagan, hurmat-izzat qilgan yoki erkalatgan sari haddan oshmoq, chegaradan tashqari ish qilmoq.
Rahimov Masafoyevni chap yonidagi joyga chaqirdi. Bunaqa paytlarda Masafoyev juda suyulib ketardi. — S. Ahmad, Jimjitlik
— Xumor boʻlganda qandoq! — dedim bir oz suyulib. — Gazetadan