Suvni muhofaza qilish mintaqasi (tegrasi)

MDHda: yer usti suv havzasi bilan chegara hudud, bu yerda tabiat resurslaridan foydalanish va ularni muhofaza qilishning alohida tartibi belgilanadi. “Alohida tartib” tushunchasi suv havzasini kerakli holatda saqlash uchun zarur boʻlgan yerdan foydalanish cheklovlarini belgilashni nazarda tutadi. Birinchi navbatda bu cheklovlar xavfli moddalardan foydalanish, ifloslantiruvchi manbalar joylashtirish va hokazolarga taalluqli. Suvni muhofaza qilish mintaqalari suv omborlari, koʻllar, dengiz yoki yirik daryolar sohili atrofida joylashishi mumkin; bunda mintaqaning kengligi suv havzasining oʻlchamiga bogʻliq. Suvni muhofaza qilish mintaqalari yer osti suvlarini muhofaza qilish uchun qoʻllanilmaydi. Mintaqaning eng katta kengligi — 500 m; mintaqaga tabiiy resurslardan foydalanishning qatʼiy tartibi belgilangan sohil muhofaza polosasi kiradi.