сур

сфт. Тўқ кулранг тусдаги; сурранг

Сур қоракўл тери

Бутхонанинг сур деворига Ҳар ўткинчи бир камп битмиш — Миртемир, Асарлар

дин. Қуръонда айтилишича, қиёмат куни Исрофил фаришта томонидан чалинадиган, шох (мугуз)дан ишланган карнай

Дудлаб ёки осиб қўйиб қуритилган, қоқланган

Сур гўшт. Сур балиқ

Қозоқ қизи тутган қимиз, қалбидек соф, Эсдан чиқмас сур қазининг тўғрамчаси — С. Абдулла

-Бу ану кунги сур гўшт, — деди Нозик кампир гуноҳини енгиллатадиган важ топилганидан қувониб — "Ёшлик"

Без, сурбет

Сур одам

Нигора-нинг кўз олдига Ёқутойимнинг тухумдай тиғиз гавдасию пардоз-андоз қилган сур башараси келди — С. Анорбоев, Оқсой