suqmoq
суқмоқsuqmoq
fl. 1. Kuch yoki zarb bilan uchli narsani boshqa biror narsaga kirgizmoq; sanchmoq, tiqmoq.
Nayza suqmoq. Igna suqmoq.
Malik muallim yalt etib keliniga qaradi. Birov bigiz suqib olganday, koʻkragining osti sanchib ogʻridi. — A. Koʻchimov, Halqa
Nusratbek hozir bu silliq basharaga mushtlasa, igna suqsa, tepkilasa ham, qonamasa, qizarmasa kerak. — S. Nurov, Maysalarni ayoz urmaydi
2. Biror narsa ichiga, orasiga joylamoq, tiqmoq.
Xanjarni qiniga suqmoq.
Yoʻl-dosh egilib, boshini tizzasi orasiga suqdi. qoʻllari bilan quloqlarini berkitdi. — Yoshlik
Gavhar zimdan Talʼatga qaradi. U boshini baland koʻtarib, qoʻllarini shimining choʻntagiga suqib borardi. — Oʻ. Hoshimov, Qalbingga quloq sol
U[Iskandar] bir qoʻli bilan qopchiqni ochib, bir qoʻlini xumchaga suqdi. — M. Mansurov, Yombi
- [Birovning] kissasiga (yoki hamyoniga, choʻntagiga) qoʻl suqmoq Birovning kissasiga, puliga qoʻl urmoq, xoʻjayinlik qilmoq. Uka, men haqimni soʻrayman. Birovning kissasiga qoʻl suqayotganim yoʻq. — Oybek, Tanlangan asarlar
- Bosh suqmoq Qodirov chaylaga bosh suqib, noz-neʼmatlar toʻla dasturxonga koʻz yugurtirdi. — Sh. Rashidov, Boʻrondan kuchli
- Burun suqmoq Oyqiz boʻlsa haddan oshib ketdi, hamma ishga burnini suqyapti. — Sh. Rashidov, Boʻrondan kuchli
- Gapni gapir (yoki aytgin) uqqanga , jonni jonga suqqanga Gapni fikringga, maqsadingga tushunadigan, senga jon kuydiradigan odamga gapir, degan maʼnoda ishlatiladigan matal. [Boʻtaboy aka] “Tushuntirish kerak deydilar, toʻgʻri, lekin gapni aytgin uqqanga, jonni jonga suqqanga, gapni aytib netarsan onasi bemahal tuqqanga! — A. Qahhor, Qoʻshchinor chiroqlari
- Ikki qoʻlini burniga suqib Katta oʻgʻlim bilan ikki qoʻlimizni burnimizga suqib, oʻz uyimizga bordik. — S. Ayniy, Qullar
- Koʻziga choʻp suqmoq