суқмоқ
suqmoqсуқмоқ
фл. 1. Куч ёки зарб билан учли нарсани бошқа бирор нарсага киргизмоқ; санчмоқ, тиқмоқ.
Найза суқмоқ. Игна суқмоқ.
Малик муаллим ялт этиб келинига қаради. Биров бигиз суқиб олгандай, кўкрагининг ости санчиб оғриди. — А. Кўчимов, Ҳалқа
Нусратбек ҳозир бу силлиқ башарага муштласа, игна суқса, тепкиласа ҳам, қонамаса, қизармаса керак. — С. Нуров, Майсаларни аёз урмайди
2. Бирор нарса ичига, орасига жойламоқ, тиқмоқ.
Ханжарни қинига суқмоқ.
Ёʻл-дош эгилиб, бошини тиззаси орасига суқди. қўллари билан қулоқларини беркитди. — Ёшлик
Гавҳар зимдан Талъатга қаради. У бошини баланд кўтариб, қўлларини шимининг чўнтагига суқиб борарди. — Ў. Ҳошимов, Қалбингга қулоқ сол
У[Искандар] бир қўли билан қопчиқни очиб, бир қўлини хумчага суқди. — М. Мансуров, Ёмби
- [Бировнинг] киссасига (ёки ҳамёнига, чўнтагига) қўл суқмоқ Бировнинг киссасига, пулига қўл урмоқ, хўжайинлик қилмоқ. Ука, мен ҳақимни сўрайман. Бировнинг киссасига қўл суқаётганим ёʻқ. — Ойбек, Танланган асарлар
- Бош суқмоқ Қодиров чайлага бош суқиб, ноз-неъматлар тўла дастурхонга кўз югуртирди. — Ш. Рашидов, Бўрондан кучли
- Бурун суқмоқ Ойқиз бўлса ҳаддан ошиб кетди, ҳамма ишга бурнини суқяпти. — Ш. Рашидов, Бўрондан кучли
- Гапни гапир (ёки айтгин) уққанга , жонни жонга суққанга Гапни фикрингга, мақсадингга тушунадиган, сенга жон куйдирадиган одамга гапир, деган маънода ишлатиладиган матал. [Бўтабой ака] “Тушунтириш керак дейдилар, тўғри, лекин гапни айтгин уққанга, жонни жонга суққанга, гапни айтиб нетарсан онаси бемаҳал туққанга! — А. Қаҳҳор, Қўшчинор чироқлари
- Икки қўлини бурнига суқиб Катта ўғлим билан икки қўлимизни бурнимизга суқиб, ўз уйимизга бордик. — С. Айний, Қуллар
- Кўзига чўп суқмоқ