супра

supra

4 та луғатда учрайди ЖСОН Шеваларда Барча қидирув натижалари

Изоҳли луғат

супра

от Хамир ёйиш, нон ясаш учун мўлжалланган, одатда ошланган теридан қилинадиган дастурхонсимон рўзғор буюми.

Тери супра. Ҳар супранинг нони бор. — Мақол

Раҳбархон қўлидаги ўқлоғини супрага дўқ этиб урди. — У. Усмонов, Қисмат

— Вой, ўла-ай! — деди Бувиражаб супрани очиб. — Ёшлик

Мезбонлар қўй терисидан қилинган супраларда пиширилган гўшт келтира бошладилар. — М. Осим, Карвон ёʻлларида

Номи (ёки оти) улуғ, супраси қуруқ Номига яраша қўли, дастурхони очиқ бўлмаган, мартабасига мувофиқ иш тута олмайдиган одам ҳақида айтиладиган ибора. Биладики, [Севаргул] кўк диплом билан институтда қололмайди, мабодо унинг шарофати туфайлидан қолдирилганда ҳам, оти улуғ, супраси қуруқ юраверади. — Н. Қиличев, Чиғириқ
Қулоқ супраси Султон тандирчи — қотма, кўк кўзлари ҳорғин ва хаёлчан бармоқлари, ҳатто қулоқ супраларини майин жун босган калта соқолли чол. — Ёшлик