SUN Microsystems

Apparatli va dasturiy taʼminot ishlab chiqaruvchi kompaniya. SUN (Stanford University Networking) 1982 yilda yaratilgan boʻlib, AQSHning Kaliforniya shtatida joylashgan. SUN superkompyuterlar, tarmoqlar uchun jihozlar, jumladan serverlar, ishchi stansiyalari, tashqi xotira qurilmalari, elektron pochta va tarmoqni boshqarish uchun dasturiy taʼminot, mikroprotsessorlar, Internet tarmogʻining kabel televideniyesi tarmoqlari bilan oʻzaro ishlash qurilmalarini ishlab chiqaradi. Kompaniya UNIX operatsion tizimi muhiti uchun ishchi stansiyalarini yaratish va Java dasturlash tilini rivojlantirishga oid ishlari bilan mashhur. Kompaniya mahsulotlari qatoriga SPARC ishchi stansiyalari va Solaris operatsion muhiti ham kiradi.