strelka

ot 1. Turli oʻlchov va nazorat asboblarida: oʻz oʻqi atrofida aylanib, oʻlchanayotgan narsa miqdorini koʻrsatuvchi ingichka uchli, kambar nayza.

Soat strelkasi. Manometr strelkasi.

Ochilning hislari harakatdagi poʻlatlar orasiga tushib qolgan magnit strelkasiday titrab, u yoqadan bu yoqqa borib kelar edi. — P. Qodirov, Uch ildiz

[Haydovchi] Gazni shunday qattiq bosdiki, koʻz ochib-yumguncha spidometr strelkasi “100“ dan oʻtib, 120 ga yaqinlashib qoldi. — J. Abdullaxonov, Xonadon

2. Shu shakldagi chiziq yoki belgi.

Yoʻl koʻrsatuvchi strelka,

Xaritaning har xil joylariga rangdor qalamlar bilan belgilar, strelkalar, raqamlar qoʻyilgan edi. — M. Muhamedov, Oderga

3. t. y. Temir yoʻllarda bir izni ikkinchi izga ulash, harakatdagi sostavni bir yoʻldan ikkinchi yoʻlga oʻtkazish uchun xizmat qiladigan moslama.

Tramvay strelkasi. Strelkani bir izdan ikkinchi izga oʻtkazmoq.

n pointer, hand (soatniki)

Zeiger m, Nadel f