стрелка

от 1. Турли ўлчов ва назорат асбобларида: ўз ўқи атрофида айланиб, ўлчанаётган нарса миқдорини кўрсатувчи ингичка учли, камбар найза.

Соат стрелкаси. Манометр стрелкаси.

Очилнинг ҳислари ҳаракатдаги пўлатлар орасига тушиб қолган магнит стрелкасидай титраб, у ёқадан бу ёққа бориб келар эди. — П. Қодиров, Уч илдиз

[Ҳайдовчи] Газни шундай қаттиқ босдики, кўз очиб-юмгунча спидометр стрелкаси “100“ дан ўтиб, 120 га яқинлашиб қолди. — Ж. Абдуллахонов, Хонадон

2. Шу шаклдаги чизиқ ёки белги.

Ёʻл кўрсатувчи стрелка,

Хаританинг ҳар хил жойларига рангдор қаламлар билан белгилар, стрелкалар, рақамлар қўйилган эди. — М. Муҳамедов, Одерга

3. т. й. Темир ёʻлларда бир изни иккинчи изга улаш, ҳаракатдаги составни бир ёʻлдан иккинчи ёʻлга ўтказиш учун хизмат қиладиган мослама.

Трамвай стрелкаси. Стрелкани бир издан иккинчи изга ўтказмоқ.