Стих

1. шеър, назм

2. шеърий мисра. Оҳанг жиҳатидан маълум бир тартибга солинган, ҳис-туйғу ифодаси сифатида вужудга келган эмоционал ритмик нутқ шеър дейилади. Бироқ бу шеърни терминологик тушуниш, холос. Шеър асосида инсоннинг ички кечинмалари ётади. Буюк рус танқидчиси Н. А. Добролюбов шеър учун уч хусусият: эзгулик, гўзаллик, донолик шарт бўлишини таъкидлаган эди. Буларнинг бирортаси бўлмаган нутқ шеър бўла олмайди. Нутқнинг шеър бўлиши учун шеърий мазмун ва шеърий шакл зарур. Шеър тузилишининг асосини ритмик ўлчов — ҳижо ташкил этади. Мисралардаги ҳижоларнинг миқдорига қараб, шеър тузилиши кўринишлари ва вазн турлари белгиланади.