SSH

“Xavfsiz qobiq” - amaliy darajadagi tizim protokoli. U operatsion tizimini uzoqdan boshqarish hamda TSR bogʻlanishlarini tunnellashtirish (masalan, fayllarni oʻtkazish uchun) imkoniyatini beradi. Telnet va rlogin protokollari bilan funksiyalari oʻxshash, lekin ulardan farqli oʻlaroq, butun trafikni va oʻtkazilgan parollarni shifrlaydi. SSH shifrlashning turli algoritmini tanlash imkoniyatini beradi. SSH-mijozlar va SSH-serverlar koʻpchilik tarmoq operatsion tizimlari uchun mavjud. SSH himoyalanmagan muhitda ixtiyoriy boshqa tarmoq protokolini xavfsiz oʻtkazish imkoniyatini beradi. Shu tariqa, nafaqat buyruq qobigʻi orqali kompyuterda uzoqdan ishlash, balki shifrlangan kanal orqali ovoz oqimi yoki videoni (masalan, veb- kameradan) uzatish mumkin. Shu bilan birga, SSH uzatilayotgan maʼlumotlarni keyingi shifrlash uchun siqishi ham mumkin. Aksariyat xosting provayderlari muayyan toʻlovga mijozlarga oʻz uy SSH katalogiga kirish imkoniyatini beradi. Bu buyruq bilan bir qatorda dasturni (grafik qoʻllanmalarni ham) uzoqdan bajarish uchun qulaydir.Secure Shell