сўзсиз

сфт. 1. Сўзи, сўзлари бўлмаган,

Сўзсиз сурат.

2. рвш. Овоз чиқармай, гапирмай; сукут ичра, жим.

Ногаҳон фалакка урган каби дўқ, Сўзсиз қотиб турар бўйчан тераклар. — А. Орипов, Йиллар армони

3. рвш. Ҳеч қандай эътирозсиз.

Сўзсиз итоат этмоқ. Сўзсиз таслим бўлмоқ.

Хоҳиш-иродамизни сўзсиз бажарасан. — Шарқ юлдузи

4. мод. с. Фикрнинг аниқлигини, қатъий буйруқ ва заруратни билдиради.

Сўзсиз, у келади. Мактабдаги мусобақаларга қатнашади ва, сўзсиз, биринчи ўринни эгаллайди.