soʻrgʻich

ot 1. Emizikli bolalar emchak oʻrnida soʻradigan rezina buyum; emizik.

Tursun Toʻrayevichning hali-veri gapdan tiyilishiga koʻzi yetmagan xotin qoʻlidagi bolasini yon tarafdagi stulga oʻtqazdi-yu, ogʻziga soʻrgʻichini berib, jahl bilan oʻrnidan turdi. — N. Aminov, Qahqaha

Iskandar yelinning soʻrgʻichdek uchlaridan tiz-tiz choʻzilib tusha-yotgan sutga hayrat bilan tikilib qoldi. — S. Nurov, Maysalarni ayoz urmaydi

2. anat. Teri va shilliqparda sirtidagi sezgir doʻmboqchalar.

Tilni tekshirgan chogʻ-da til soʻrgʻichlariga ham diqqat bilan qarash lozim. — N. Ismoilov, Kasallarni parvarish qilish

[Soʻruvchilarning] Ogʻiz soʻrgʻichi gavdasining uchida, uning tubida ogʻiz teshigi joylashgan. — OʻzME

3. bot. Chirmashib oʻsadigan parazit oʻsimlikning tuksimon oʻsimtalari.

4. s. t. Surgʻuch.

Xizmatkorlar koʻzalarning ogʻziga soʻrgʻich surib, qatronga yumalatib yuborishdi. — M. M. Doʻst, Galatepaga qaytish

Bu — vokzalning pochta ombori boʻlsa ehtimol, eski yashiklardan soʻrgʻich, yelim, sirach, mumlangan kanop hidi kelib turibdi. — Yoshlik

n soother, dummy, teat, nipple

sorgʻısh, soska (náresteler ushın)

Schnuller m, Lutscher m, Nuckel m