сўнгги

сфт. 1. Охирги, охиридаги.

Сўнгги йил. Сўнгги саҳифа. Сўнгги пушаймон —ўзингга душман. — Мақол

Отам сўнгги ерини уч тиллога сотган маҳалда мен 10—11 ёшларда эдим. — Фан ва турмуш

Нимаики ёзма касалхонада, У сўнгги ишингдек туюлаверар. — А. Орипов, Йиллар армони

Заргаров мезбоннинг сўнгги сўзларини эслаб жилмайди. — А. Мухтор, Асарлар

Охунбобоев, уни хижолат қилмаслик учун, Норин суви қуйилиши керак бўлган каналнинг сўнгги участкасини кўргани Қорадарё бўйига тушиб кетди. — С. Аҳмад, Уфқ

Сўнгги вақтларда игна билан даволаш усулига қизиқиш ортиб бормоқда. — Фан ва турмуш

2. Маълум иш ёки маълум пайтдан кейинги, кейин бўлган ёки бўладиган.

Сўнгги қирқ йил мобайнида республикамизда илмий ходимларнинг умумий сони 103 марта., кўпайди. — Фан ва турмуш

Сўнгги вақтларда шаҳарда ижобий силжишлар кўзга ташланаётганлигини қайд этиб ўтиш лозим. — Газетадан

[Отабек] Ҳомиднинг бундан сўнгги режаларини ўрганишга ва шунга қараб кураш бошлашга қарор берган эди. — А. Қодирий, Ўтган кунлар