soʻlim

sft. 1. Yoqimli va goʻzal, loʻppi, doʻndiq.

Soʻlim qiz.

Qiz atlas lozim, atlas koʻylakda soʻlim ham sodda koʻrinyapti. — Yoshlik

Dalaga chiq, sof havoda yetilib yurgan soʻlimlardan birini tanla! — I. Rahim, Chin muhabbat

2. Begʻubor, sof, goʻzal va yoqimli.

Soʻlim kecha. Soʻlim bahor.

Navoiy koʻchasi tun qoʻynida gʻoyatda soʻlim edi: behisob chiroqlar yulduzdek miltirab yonib yotibdi. — Mirmuhsin, Umid

Qishlogʻimiz adir bagʻrida joylashgan, tabiati soʻlim, havosi orombaxsh. — Sharq yulduzi