{"headword": "СОЕДИНЕНИЕ ТРУБ", "key": "soedinenie trub", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Terminologik", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "457"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "", "examples": []}], "translations": [], "cross_references": [], "extra": {"raw_word": "СОЕДИНЕНИЕ ТРУБ — Қувурларни туташтириш", "raw_meaning": "— қувур узатгичларнинг мустаҳкамлиги ва герметиклигини таъминлаб ўзаро туташтириш. Қ.т. уларни тез йиғиш, бир-биридан ажратиш ва йўналишини ўзгартириш талабларига жавоб бериши керак. Темир қувурларда бирлаштиришнинг пайвандлаш, фланецли, кертикли ва кенгайтирилган учли хиллари кенг тарқалган. Қувурларни пайвандлаб улашда қувур узатгичларнинг бир хил диаметрли тўғри, текис участкаларида чоклар пайвандлаб бирлаштирилади. Қайрилган ёки диаметри ўзгарган қувурларнинг охир қисмлари пайвандланади. Қувурларни фланецли улаш, уларни тез-тез ажратиш ва йиғиш керак бўлганда қўлланилади. Қувурларни фланецли улашда қувур охирига мустаҳкамланган 2 фланец қистирма (прокладка) ва мустаҳкамлашга зарур бўлган шпилка, болт ва гайкалар ишлатилади. Пайвандли ва фланецли улаш диаметри 2000 мм гача бўлган қувурларда ва муҳитнинг босими 1000 МН/м² (10000 кгс/см²)гача бўлганда қўлланилади. Қувурнинг учи ташқи кертикли бўлса, кертикли улаш ички кертикли муфталар орқали амалга оширилади. Цилиндр кертикли қувурлар герметик зичлаштирувчи ўрам билан, конуссимон кертиклиларда эса ўрамсиз уланади. Қувурларнинг кертик диаметри 50 мм гача ва босими 2,5 МН/м² (25 кгс/см²)гача бўлганда цилиндрик кертикли, босими 25 МН/м² (25,0 кгс/см²)гача бўлганда эса конуссимон кертикли улаш қўлланилади. Чўян, керамика, пластмасса ва бетон қувурларда кенгайтирилган учли улаш қўлланилади. Кенгайтирилган қисм билан уланаётган қувур учи орасидаги бўшлиқ тиқин материаллар (қўрғошин, резинка, цемент ва б.) ёрдамида герметизацияланади. Кенгайтирилган учли улаш қулай, арзон бўлса-да, қувур ўқига нисбатан оғиши мумкин. Бундай усул билан диаметри 50—500 мм ли ва босими 1МН/м² (10кгс/см²)гача бўлган қувур узатгичларни улаш мумкин."}}]}