сиртмоқ

от 1. Арқон, чизимча ва шу кабиларнинг бўйинбоғ шаклида суриладиган ва сиқиладиган қилиб боғланадиган учи.

Сиртмоқ солмоқ. Дорнинг сиртмоғи.

Қари солдат дор тагидаги тўнкаларни қимирла-тиб кўрди, сиртмоқнинг тугунини синчиклаб текширди. — Х. Султонов, Бир оқшом эртаги

— Раҳмонқул дорга осиладиган бўлса, мен ўзим сиртмоқ ташлаб бераман, — деди Ғани ота. — Ғ. Ғулом, Машъал

2. кўчма Асорат, сиқув, исканжа.

Ажал сиртмоғи.

Агар сенга ўхшаганлардан яна бир-иккитаси бўлса, покиза ҳаётнинг булғаланиши, соф муҳаббатнинг туҳмат сиртмоғида жон бериши ҳеч гап эмас! деганимни ўзим ҳам сезмай қолдим. — М. Жабборов, Севинч ёшлари

Агар ишлари чаппасидан келса-ю, Шайбонийхоннинг қопқонига тушсалар, ажал сиртмоғи энг аввал Бобурнинг бўйнига тушишини ҳаммалари билардилар. — П. Қодиров, Юлдузли тунлар