сирламоқ

фл. 1. Сир (мой бўёқ) билан бўямоқ, гул солмоқ.

Деворларни сирламоқ.

Фақат болохона тагидаги уй ўзгарибди: Оқланибди, янги эшик ўрнатилибди, сирланган деразаларда келинлик нишони бўлган нафис дарпардалар — Ў. Ҳошимов, Қалбингга қулоқ сол

2. Сир ёки эмал билан қопламоқ.

Сопол буюмларни сирламоқ. Тоғорани сирламоқ.

У устидаги фуфайкасини ечаётиб, бурчакда турган чиройли, чети гулдор, сирланган оқ тоғорачага кўзи тушиб қолди. — Н. Фозилов, Дийдор

3. Амалгама билан қопламоқ.

Кўзгуларни сирламоқ.