сирдош

от 1. Бир-бирига сирини ишониб айтувчи, ҳамдард кишилар (бир-бирига нисбатан).

Ёмон билан ёʻлдош бўлма, Нодон билан сирдош бўлма. — Мақол

Улар бир-бирларига сирдош, ҳамфикр, меҳрибон бўлиб улғайдилар. К. Яшин. — Ҳамза

Илгарилари ўт билан сувдек бўлган кундошлар энди сирдош бўлиб, чекка-чеккада пичирлашадиган бўлдилар. — А. Мухтор, Опа-сингиллар

2. кўчма Барча сир-асрори, тарихининг гувоҳи; асрдош.

Бахмал соҳилингга кўз тикиб қолдим, Асрлар сирдоши, эй улуғ дарё. — Ғайратий

Дарё — саҳронинг азалий сирдоши. У ҳам қум рангида тўлғанади, у ҳам саҳродек чексиз ва қадимий. — А. Мухтор. Бўронларда бордек ҳаловат