СИНЕСТЕЗИЯ

muayyan qoʻzgʻovchining maʼlum bir sezgi organiga taʼsir qilib, faqat shu sezgi organi uchun xos boʻlgan sezginigina emas, balki boshqa sezgi organi uchun xos boʻlgan qoʻshimcha sezgi yoki tasavvurni ham hosil qilishidan iborat hodisa. Bunday qoʻshimcha hosil boʻlgan sezgilar va tasavvurlar koʻruv, eshituv, hid va boshqa sohalarga xosdir. S. ning koʻproq tarqalgan formasi rangdor eshitish, yaʼni maʼlum bir muzika tovushini sezish bilan birga, shunga monand boʻlgan koʻruv tasavvurining (muayyan rangning) hosil boʻlishidir. S. hodisasi fiziologik jihatdan analizatorlarning haddan tashqari kuchli oʻzaro taʼsir etishidir. S. hodisasi, mas., kompozitorlar N. A. Rimskiy-Korsakov va A. N. Skryabinlarda uchragan., sinesteziya