синчков

сфт. Синчиклаб, зўр эътибор билан қарашга, текширишга одатланган, ҳеч нарсани назар-эътибордан четда қолдирмайдиган.

Синчков назоратчи.

Мирзамуҳаммад Расулович етти ўлчаб, бир кесадиган, мулоҳазали, синчков, зукко одам эди. — Ф. Мусажонов, Ҳиммат

Онаси водопровод жўмраги олдида юз-сўлини юваётган қизига синчков назар билан қаради. — С. Зуннунова, Гўдак ҳиди