silkimoq
силкимоқsilkimoq
fl. Kuch bilan u yon-bu yonga siltamoq, keskin tebratmoq.
Qizning nazarida, ona perronda hamon roʻmol silkib turgandek edi. — S. Ahmad, Mehribon
Maysalarni silkib, shitirlab birdan Yugurib oʻtdi yel — bezovta, sergak. — X. Davron, Bolalikning ovozi
Sidiqjon egarga yaxshiroq oʻrnashib, otning jilovini silkidi. — A. Qahhor, Qoʻshchinor chiroqlari
- Bosh silkimoq 1. Bosh(ni) qimirlatmoq. Tursunboy ota egarga qiyshiq oʻtirib, xirgoyi qila boshladi. Ot qoʻshiq maqomiga bosh silkib, asta-sekin yoʻrtib ketmoqda. — S. Ahmad, Hukm;Sekretar ham uning gapini tasdiqlagandek, vazmin bosh silkib qoʻydi. — Sh. Gʻulomov, Qalb undaydi
- Etak silkimoq
- Qanot silkimoq
- Qoʻl silkimoq 1. Qoʻlni havoda u yon-bu yonga tebratmoq. Hamma koʻchada. Hamma unga oq yoʻl tilab, koʻl silkimoqda. — I. Rahim, Chin muhabbatAli tajang umidsizlarcha koʻlini silkib, turib ketdi. — Oybek, Quyosh qoraymas