shuʼla

ot 1. Biror jismdan taraluvchi nurli energiya; yorugʻlik, nur.

Oy shuʼlasi. Xatni chiroq shuʼlasida oʻqimoq.

Ammo oftobning oʻtkir shuʼlasi Koʻksingni parchalab yordi beomon. Tarixning muzaffar, nurli yoʻlidan Dadil bormoqdalar naslimiz hamon. — Uygʻun

Shox oʻtinning oʻchoqni toʻldirib lovullayotgan yolqini qoraygan koʻchaga shuʼla sochmoqda. — P. Tursun, Oʻqituvchi

2. ayn. Yolqin.

Hamon mashʼala shuʼlasi koʻrinib turgan hovlidan ancha uzoqlashgach, bir daraxtning panasiga oʻtirdilar. — S. Siyoyev, Yorugʻlik