ШТАНГОВЫЙ СКВАЖИННЫЙ НАСОС

neft olish quduqlaridan suvlanganligi 99% gacha, temperaturasi 130° S dan, vodorod sulfidi 50 g/l dan, suvning minerallanganligi 10 g/l dan ortiq boʻlmagan suyuqliklarni tortib chiqaradigan moslama. Nasoslarni tashqi yoki quvurli va suqma turlari mavjud. Tashqi yoki quvurli nasoslarda silindr quduq nasos quvurlarida plunjersiz tushiriladi. Plunjer esa nasosning shtangasida alohida tushiriladi. Tashqi nasosni almashtirish yoki taʼmirlashda avval oxirida osilib turgan plunjerli shtangalar, soʻngra silindrli nasos quvurlari tashqariga chiqariladi (Sh.1-rasm). Suqma nasoslarda silindr plunjer va toʻsqichlar bilan yigʻilib shtangalarda tushiriladi. Bunda nasos quvurlari oxiriga avval maxsus oʻtkazuvchi moslama-tayanch qulf oʻrnatiladi, soʻng unga nasos oʻtkaziladi va zichlantiriladi. Suqma nasosni taʼmirlashda faqat shtangalar bilan birga nasos ham chiqarib olinadi., Shtangali quduq nasosi