shoshilinch

sft. 1. Tezda bajarilishi lozim boʻlgan; oshigʻich.

Shoshilinch buyurtma. Shoshilinch majlis. Shoshilinch ish. Shoshilinch telegramma. Shoshilinch tibbiy yordam. Ishi juda ham shoshilinch emas.

Men shoshilinch bir ish bilan Buxoroga ketyapman — Mirmuhsin, Meʼmor

2. rvsh. Shoshgan holda, shosha-pisha, shoshib-pishib.

Gʻayratchan Xalil aka hamma ishni ham shoshilinch qilardi. — F. Musajonov, Himmat

Nahotki Avaz boʻlsa? deb gumonsiradi va kalishini oyogʻiga shoshilinch ilib, tashqariga otildi. — S. Siyoyev, Yorugʻlik

3. ot Shoshib turilgan payt.

Shoshilinchda kitobimni unutibman.