шок

от тиб. Ниҳоятда кучли, фавқулодда таъсиротлар (оғир жароҳат, куйиш, миокард инфаркти, буйрак санчиши, мос бўлмаган қон қуйиш, руҳий касаллик ва шу кабилар) натижасида марказий нерв системаси, қон айланиши, нафас системалари фаолияти ҳамда моддалар алмашинувининг кескин бузилиши билан ифодаланадиган, ҳаёт учун хавфли оғир патологик жараён.

инсон ҳаётига таҳдид солувчи ҳолат, организмга экстремал омиллар (ФВ, оғир жароҳат, кучли оғриқ ҳисси, тўғри келмайдиган қонни қуйиш ва бошқ.) таъсири натижасида ўткир ривожланадиган оғир паталогик жараён; унинг асосини қон таъминотининг кескин бузилиши ҳамда органлар ва организм тўқималарининг гипоксияси, модда алмашинувининг ўзгариши ташкил этади. Шошилинч тиббий ёрдам зарур.