shishirmoq
шиширмоқshishirmoq
fl. 1. Shishmoq 1-3 feʼllarining orttirma nisbati.
Ari chaqib, qovogʻimni shishirib yubordi. Sharni puflab shishirmoq. Velosiped kamerasini damlab shishirmoq. Hoʻl beda sigir qornini shishirib yuboradi.
Samandarov kulib yubormaslik uchun lunjini shishirdi va jahl bilan stolning tortmasini tortib, uning arizasini qidirgan boʻldi. — A. Qahhor, Qoʻshchinor chiroqlari
2. koʻchma Oz, kichik narsani koʻp yoki katta qilib koʻrsatmoq, mubolagʻa qilmoq.
Baʼzilar asarning ijobiy tomonini shishirib koʻrsatishga urinadilar.
Mening yoʻq gunohimni shishirgan oʻshalar. — Shuhrat, Jannat qidirganlar
- Miyani (yoki kallani) shishirmoq Miyani nihoyatda charchatmoq, holdan toydirmoq, gangitib qoʻymoq. Sahardan oqshomgacha charxning gʻuv-gʻuvi kallani shishiradi. — Oybek, Ulugʻ yoʻl