шипшимоқ

фл. 1. Паст овоз билан бирор нарса демоқ; пичирламоқ.

— Бас! — шипшиди Тоҳир жувозкаш йигитга. — П. Қодиров, Юлдузли тунлар

— Хўп, бўлмаса, -деди чол ва тўсатдан унга энгашиб, худди бошқалар эшитиб қолишидан қўрққандай, шипшиди. — О. Ёқубов, Ларза

— Ўйга толиб қолганимда, нариги хонада онамнинг Сўнагулга шипшиганини эшитиб қоламан — деди Аҳмаджон. — А. Мухтор, Давр менинг тақдиримда

2. Ҳеч кимга эшиттирмай, билдирмай айтмоқ, билдириб қўймоқ.

Валасапит [велосипед] митинг келган экан, бир оғиз шипшиб қўймайсанми қулоғимга. — А. Кўчимов, Ҳалқа

Воҳидовга шипшиб қўйишни мен бўйнимга оламан. — С. Зуннунова, Янги директор