shikoyat

шикоят

1 ta lugʻatda: Izohli yana 7 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

shikoyat

ot 1. Norozilik, nolish soʻzi; hasrat.

Uyqusizlikdan shikoyat qilmoq.

Hammaning tilida shikoyat: qimmatchilikdan, mardikor olish voqeasidan, bekorchilikdan shikoyat. — Oybek, Tanlangan asarlar

— Kambagʻalchilik oʻlsin! — xotin bu gapni shikoyat tarzida aytdi, ammo Turobjon buni taʼna deb tushundi. — A. Qahhor, Anor

2. Norozilik va maʼlum talab bilan ogʻzaki yoki yozma tarzda bildirilgan fikr; arz.

Shikoyat — ojizlik alomati.

Shikoyatni oʻziga ep koʻrmay, jim oʻtirdi Ahmad. — F. Musajonov, Himmat

Koʻpchilikning arz-dodiga quloq solmagandan keyin shikoyat oqaveradi-da. — Mushtum

Yo Qoʻqon hokimi Medinska janobi oliylariga arz qilarsan Bor, bora qol, shikoyat qila qol. — K. Yashin, Hamza

3. ayn. Shikoyatnoma.

Shikoyat va tavsiya daftari.

Kasabaqoʻm ishchi va xizmatchilarning shikoyatlarini korxona maʼmuriyati bilan birgalikda koʻrib chiqadi. — Gazetadan

Hukmlar toʻgʻrisida shikoyat berish erkinligi koʻzda tutiladi. — Gazetadan

Shikoyat qilmoq 1. Nolish soʻzini aytmoq; nolimoq, hasrat qilmoq. Gulsumbibi bu savolga javob berishdan avval kambagʻalchilikdan, erining ahvolidan shikoyat qildi. — Oybek, Tanlangan asarlarKimdir kun ortiq isiganidan shikoyat qildi. — N. Safarov, Jasoratning davomi;Rost, Ertoyevlarning ustidan shikoyat qilish uning xayoliga ham kirib chiqqan emas. — O. Yoqubov, Er boshiga ish tushsaXivaga yur, xonga shikoyat qilamiz — J. Sharipov, Xorazm