шикоят

shikoyat

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

шикоят

от 1. Норозилик, нолиш сўзи; ҳасрат.

Уйқусизликдан шикоят қилмоқ.

Ҳамманинг тилида шикоят: қимматчиликдан, мардикор олиш воқеасидан, бекорчиликдан шикоят. — Ойбек, Танланган асарлар

— Камбағалчилик ўлсин! — хотин бу гапни шикоят тарзида айтди, аммо Туробжон буни таъна деб тушунди. — А. Қаҳҳор, Анор

2. Норозилик ва маълум талаб билан оғзаки ёки ёзма тарзда билдирилган фикр; арз.

Шикоят — ожизлик аломати.

Шикоятни ўзига эп кўрмай, жим ўтирди Аҳмад. — Ф. Мусажонов, Ҳиммат

Кўпчиликнинг арз-додига қулоқ солмагандан кейин шикоят оқаверади-да. — Муштум

Ё Қўқон ҳокими Мединска жаноби олийларига арз қиларсан Бор, бора қол, шикоят қила қол. — К. Яшин, Ҳамза

3. айн. Шикоятнома.

Шикоят ва тавсия дафтари.

Касабақўм ишчи ва хизматчиларнинг шикоятларини корхона маъмурияти билан биргаликда кўриб чиқади. — Газетадан

Ҳукмлар тўғрисида шикоят бериш эркинлиги кўзда тутилади. — Газетадан

Шикоят қилмоқ 1. Нолиш сўзини айтмоқ; нолимоқ, ҳасрат қилмоқ. Гулсумбиби бу саволга жавоб беришдан аввал камбағалчиликдан, эрининг аҳволидан шикоят қилди. — Ойбек, Танланган асарларКимдир кун ортиқ исиганидан шикоят қилди. — Н. Сафаров, Жасоратнинг давоми;Рост, Эртоевларнинг устидан шикоят қилиш унинг хаёлига ҳам кириб чиққан эмас. — О. Ёқубов, Эр бошига иш тушсаХивага юр, хонга шикоят қиламиз — Ж. Шарипов, Хоразм