shifo
шифоshifo
ot 1. Kasallikdan xalos boʻlish; sogʻayish, tuzalish.
[Shokir ota:] Endi shifoni yolgʻiz ollodan, xalloqi olamdan soʻra. Tabiblarning tabibi u. — Oybek, Tanlangan asarlar
Ammo eshonga ixlos qoʻyib, undan shifo umid qilib, kasallarni olib borib oʻqitadilar. — S. Ayniy, Esdaliklar
2. Biror kasallikdan xalos boʻlish, sogʻayish vositasi; davo, dori.
Chortoq suvi koʻp dardlarning shifosi. — S. Abdulla
E, e, bolam, togʻ havosiga nima yetsin. Turgan-bitgani shifo-ku. — S. Anorboyev, Oqsoy
- Xudo (yoki ollo) shifo bersin Bemorga tasalli berish uchun aytiladigan ibora. Ollo Tohirjonga shifo bersin, niyatim shu. — Oybek, Tanlangan asarlarTilanchi kampir yana qoʻlini koʻtarib: — Xudo shifo bergay! — deb duo qildi. — S. Ayniy, Qullar
- Shifo topmoq Kasaldan xalos boʻlmoq; tuzalmoq. Tabib qoʻy jigarini xom kabob qilib, bujgʻun sepib yeng, degan ekan, bir-ikki qipti, lekin dardi shifo topmabdi. — M. Ismoiliy, Fargʻona tong otguncha.