sher

шер

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

sher

ot 1. Mushuksimonlar oilasiga mansub, kalta va sargʻish yungli (erkaklari esa qalin yolli) yirik sutemizuvchi yirtqich hayvon; arslon.

Ovchining zoʻri sher otadi, Dehqonning zoʻri yer ochadi. — Maqol

Oʻzingni er bilsang, oʻzgani sher bil. — Maqol

Bular [uch ogʻayni botirlar] tushgan toʻqayning narigi tomonida bir sherning makoni bor edi. — Ertaklar

2. koʻchma Shaxsni sherga nisbatlab ataydi (“azamat“, “botir“ polvon maʼnosida).

Bu hujjatni butun rayonga tarqatmoqchimiz, sher, obroʻying oshib, choʻqqiga koʻtarilayotganingni bilasanmi? — I. Rahim, Ixlos

— Balli, sher, xatni qoʻlingizdan kim oldi? — Bir chol. — A. Qodiriy, Oʻtgan kunlar

Yoppa yov-lik otga mining, sherlarim. — Yusuf va Ahmad

Figʻon qilgan bunda sherlar, Yoʻlbars, qoplon, bunda erlar — Bahrom va Gulandom

Sher boʻlmoq Ichkilikning zoʻridan sher boʻlib ketgan Yazturdi endi koʻcha harakati qoidasini unutib qoʻygan edi. — GazetadanBalli, azamat, bugun jang vaqtida sher boʻlib ketding. — H. Tursunqulov, Hayotim qissasi

sheʼr

ot Maʼlum vazn va qofiyali kichik badiiy asar.

Aruz vaznidagi sheʼr. Barmoq vaznidagi sheʼr. Lirik sheʼr. Erkin sheʼr. Gʻafur Gʻulom sheʼrlari.

Xat konvertga tushayotganda, Normat uning oxiriga yana ikki misra sheʼr yozib qoʻydi. — I. Rahim, Chin muhabbat

Yurtim, senga sheʼr bitdim bu kun, Qiyosingni topmadim aslo. — A. Oripov