шер

sher

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

шер

от 1. Мушуксимонлар оиласига мансуб, калта ва сарғиш юнгли (эркаклари эса қалин ёлли) йирик сутемизувчи йиртқич ҳайвон; арслон.

Овчининг зўри шер отади, Деҳқоннинг зўри ер очади. — Мақол

Ўзингни эр билсанг, ўзгани шер бил. — Мақол

Булар [уч оғайни ботирлар] тушган тўқайнинг нариги томонида бир шернинг макони бор эди. — Эртаклар

2. кўчма Шахсни шерга нисбатлаб атайди (“азамат“, “ботир“ полвон маъносида).

Бу ҳужжатни бутун раёнга тарқатмоқчимиз, шер, обрўйинг ошиб, чўққига кўтарилаётганингни биласанми? — И. Раҳим, Ихлос

— Балли, шер, хатни қўлингиздан ким олди? — Бир чол. — А. Қодирий, Ўтган кунлар

Ёппа ёв-лик отга мининг, шерларим. — Юсуф ва Аҳмад

Фиғон қилган бунда шерлар, Ёʻлбарс, қоплон, бунда эрлар — Баҳром ва Гуландом

Шер бўлмоқ Ичкиликнинг зўридан шер бўлиб кетган Язтурди энди кўча ҳаракати қоидасини унутиб қўйган эди. — ГазетаданБалли, азамат, бугун жанг вақтида шер бўлиб кетдинг. — Ҳ. Турсунқулов, Ҳаётим қиссаси

шеър

от Маълум вазн ва қофияли кичик бадиий асар.

Аруз вазнидаги шеър. Бармоқ вазнидаги шеър. Лирик шеър. Эркин шеър. Ғафур Ғулом шеърлари.

Хат конвертга тушаётганда, Нормат унинг охирига яна икки мисра шеър ёзиб қўйди. — И. Раҳим, Чин муҳаббат

Юртим, сенга шеър битдим бу кун, Қиёсингни топмадим асло. — А. Орипов